Ózbekstan Respublikası Prezidentiniń 2023-jıl 16-fevral kúngi «Jámiyetlik transport sistemasın reformalaw is-ilájları haqqında»ǵı PQ-59-sanlı qararında Nókis qalası jámiyetlik transportında tarif sistemasın jedellestiriw maqsetinde tariflerdi ámeliyatqa engiziw waziypası júkletilgen.

Qararǵa kóre, jámiyetlik transportında jolawshılardı tasıwda zamanagóy xabar-kommunikaciya texnologiyaların engiziw arqalı xalıqqa transport xızmetlerin kórsetiw sıpatın jaqsılaw, jol haqını jıynawda ashıqlıqtı támiyinlew, ulıwma paydalanatuǵın transportta jolawshı tasıw sistemasın jánede jetilistiriw, avtomatlastırılǵan tólew sistemasın basqıshpa-basqısh engiziw belgilengen.

Usı qarardıń orınlanıwın támiyinlew maqsetinde xalıqqa qolaylıq jaratıw ushın jol haqını elektron sistema arqalı ámelge asırıw jolǵa qoyıldı.

Házirgi waqıtta Nókis qalasına jańadan alıp kelingen 12 dana avtobusqa elektron tólemin qabıl etiwshi stacionar validatorlar ornatılǵan bolıp, jolawshılar bank plastik kartası arqalı jol haqını tólewi múmkin.

Qaraqalpaqstan Respublikası Transport ministrligi málimleme xızmeti