MINISTRLIK HAQQÍNDA

Ózbekstan Respublikası Prezidentiniń 2019-jıl 1-fevraldaǵı "Transport tarawında mámleketlik basqarıw sistemasın túp-tiykarınan jetilistiriw ilajları haqqında"ǵı PP-5647-sanlı Pármanı menen Ózbekstan avtomobil transportı agentligi negizinde Ózbekstan Respublikası Transport ministrligi shólkemlestirildi.

Ministrlik avtomobil, temir jol, hawa, dárya transportları, metropoliten, sonday-aq, jol xojalıǵın rawajlandırıw tarawındaǵı birden-bir mámleketlik siyasattı islep shıǵıw hám ámelge asırıw boyınsha mámleketlik basqarıw uyımı bolıp esaplanadı.

Ministrliktiń wákillikleri hám wazıypaları joqarıda atap ótilgen Párman, Ózbekstan Respublikası Prezidentiniń 2019-jıl 1-fevraldaǵı "Ózbekstan Respublikası Transport ministrliginiń jumısın shólkemlestiriw haqqında"ǵı PQ-4143-sanlı qararı menen belgilep berilgen.

Ministrlik oǵan júklengen wazıypalar hám funkciyalardı tikkeley jáne onıń strukturasına kiretuǵın aymaqlıq bólimler hám vedomstvolıq shólkemler arqalı ámelge asıradı.

Tómendegiler ministrliktiń tiykarǵı wazıypaları esaplanadı:

1) transporttıń barlıq túrlerin Ózbekstan Respublikası birden-bir transport tarmaǵına integraciyalaw hám jańa nátiyjeli transport-logistika sistemalarınan paydalanıw tiykarında birgelikte rawajlandırıwǵa baǵdarlanǵan birden-bir mámleketlik transport siyasatın islep shıǵıw;

2) transport hám logistika xızmetleri bazarın rawajlandırıwdı xoshametlew, olardıń barlıq kategoriyadaǵı tutınıwshılar ushın qolaylılıǵın támiyinlew, sonday-aq, tarawǵa investiciyalardı tartıwǵa baǵdarlanǵan transport tarawında birden-bir tarif siyasatın ámelge asırıw;

3) xalıqaralıq transport koridorların rawajlandırıw, logistika sistemasın jetilistiriw boyınsha usınıslar islep shıǵıw hám ilajlardı ámelge asırıw, mámlekettiń transport potencialınan nátiyjeli paydalanıw, isbilermenlik subektleriniń transport-logistika xızmetlerinen paydalanıwdaǵı qárejetlerin azaytıw;

4) transport hám jol xojalıǵı tarawında mámleketlik-jeke menshik sheriklikti rawajlandırıw hám mámlekettiń investiciyalıq tartımlılıǵın arttırıw;

5) pútkil transport sistemasın sanlastırıw boyınsha aldınǵı málimleme texnologiyaların engiziw, Ózbekstan Respublikası transport sistemasınıń óz-ara baylanısqan birden-bir sistemasın perspektivalı rawajlandırıw strategiyaların islep shıǵıw hám ámelge asırıw;

6) avtomobil jolları tarawında birden-bir texnikalıq siyasattı ámelge asırıw, paydalanıwshılardıń mápin esapqa alǵan halda, avtomobil jolları, aerodromlar hám aeroportlar, vokzallar, temir jollar hám transport infrastrukturasınıń basqa da obektlerin qarjılandırıw, joybarlaw, qurıw, ońlaw hám paydalanıw máseleleriniń kompleksli sheshimin támiyinlew;

7) transport tarawında qadaǵalawdı ámelge asırıw, puqaralıq aviaciya hám eksperimental hawa kemelerindegi apachılıqlar hám baxıcız hádiyseler, sonday-aq, temir jol hám dárya transportındaǵı avariya hám apachılıqlar boyınsha tekseriwlerdi shólkemlestiriw hám ámelge asırıw;

8) transport hám jol xojalıǵı tarawındaǵı xalıqaralıq hám aymaqlıq birge islesiwdi rawajlandırıw esabınan jáhán transport xızmetleri;

9) transport tarawındaǵı aǵımdaǵı hám perspektivalı talaplardı esapqa alǵan halda bilimlendiriw, kadrlar tayarlaw, qayta tayarlaw hám mamanlıǵın arttırıwdıń aldınǵı usılların sistemalı túrde engiziw.

Ministrlik ózine júklengen wazıypalarǵa muwapıq tómendegi funkciyalardı ámelge asıradı:

1. a) transporttıń barlıq túrlerin Ózbekstan Respublikası birden-bir transport tarmaǵına integraciyalaw hám jańa nátiyjeli transport-logistika sistemalarınan paydalanıw tiykarında birgelikte rawajlandırıwǵa baǵdarlanǵan birden-bir mámleketlik transport siyasatın islep shıǵıw tarawında:

transport hám jol xojalıǵın rawajlandırıw, transport tarawınıń nátiyjeliligi hám tartımlılıǵın arttırıw, transport hám jol xojalıǵı tarawında salamat báseki ortalıǵın qáliplestiriw boyınsha birden-bir mámleketlik siyasattı ámelge asıradı;

tarawlar hám aymaqlardıń kompleksli, perspektivalı hám ilimiy tiykarlanǵan rejesin esapqa alǵan halda, transport hám jol xojalıǵın rawajlandırıwdıń transport hám jol xojalıǵı tarawındaǵı wazıypaların izbe-iz hám sistemalı sheshimdi támiyinlewge baylanıslı barlıq máselelerdi óz ishine alǵan uzaq múddetli keleshekke mólsherlengen koncepciyaların islep shıǵadı;

transport hám logistikanı rawajlandırıw mashqalaların úyreniwdi shólkemlestiredi hám úyreniw nátiyjeleri tiykarında anıqlanǵan mashqalalardı sheshiw, Oraylıq Aziya hám Evropa mámleketleri arasında jolawshılar hám júk aǵımın optimallastırıw jolların izlew, milliy transport kommunikaciyaları arqalı xalıqaralıq hám regionallıq tranzitti rawajlandırıw boyınsha usınıslardı islep shıǵıwdı támiyinleydi;

xalıqaralıq transport koridorların rawajlandırıw, logistika sistemasın jetilistiriw, mámlekettiń tranzit potencialınan nátiyjeli paydalanıw, isbilermenlik subektleriniń transport-logistika xızmetlerine qárejetlerin minimallastırıw boyınsha usınıslardı islep shıǵadı hám ilajlardı ámelge asıradı;

vedomstvolıq shólkemlerdiń jumısına ulıwma basshılıq etedi, olardıń jumısın ekonomikalıq tallawdı ámelge asıradı, usı shólkemlerdiń basshıları menen birgelikte olardıń nátiyjeli islewin támiyinleydi;

eksport kólemlerin arttırıw hám importtı optimallastırıw boyınsha nátiyjeli siyasattı ámelge asırıw sheńberinde, transport hám jol xojalıǵı kárxanalarınıń eksport-import tártip-qaǵıydaları monitoringin ámelge asıradı;

transport hám jol xojalıǵı tarawında birden-bir texnikalıq siyasattı ámelge asırıwdı shólkemlestiredi hám muwapıqlastıradı;

Ózbekstan Respublikası Prezidenti hám Ministrler Kabinetiniń tapsırmaları boyınsha hám de jeke baslaması boyınsha normativlik huqıqıy aktler joybarların islep shıǵadı hám belgilengen tártipte kórip shıǵıw ushın kirgizedi;

jumıstıń belgilengen tarawına tiyisli máseleler boyınsha normativlik-huqıqıy hújjetlerdi tastıyıqlaydı;

vedomstvolıq shólkemlerdiń texnikalıq tártipke salıw baǵdarında olardıń jumıs tarawına tiyisli normativlik-huqıqıy hújjetlerdi islep shıǵıw boyınsha jumısın shólkemlestiredi hám muwapıqlastıradı;

Ózbekstan Respublikası Oliy Majlisiniń Nızamshılıq palatası hám Senatına, Prezident Administraciyasına, Ministrler Kabinetine transport hám jol xojalıǵı tarawındaǵı normativlik-huqıqıy bazanı jetilistiriw, ámeldegi xalıqaralıq transport koridorlarınan nátiyjeli paydalanıw hám jańaların shólkemlestiriw boyınsha usınıslardı kórip shıǵıw ushın kirgizedi;

ministrlikler hám uyımlar, xojalıq júrgiziwshi subektlerdiń transport túrleri boyınsha normativlik-huqıqıy hújjetleri, rawajlandırıw baǵdarlamaları, tarmaqlardı rawajlandırıw boyınsha transport hám jol xojalıǵı tarawındaǵı jumısqa baylanıslı basqa da hújjetler joybarların kelisip aladı;

óz wákilligi sheńberinde respublikanı sociallıq-ekonomikalıq rawajlandırıw baǵdarlamaları joybarların islep shıǵıwda qatnasadı;

Ózbekstan Respublikasınıń transport hám jol xojalıǵın rawajlandırıw nátiyjeliligi xalıqaralıq reytinglerdegi ornın jaqsılaw ilajların islep shıǵadı;

1. b) transport hám logistika xızmetleri bazarın rawajlandırıwdı xoshametlew, olardıń barlıq kategoriyadaǵı tutınıwshılar ushın qolaylılıǵın támiyinlew, sonday-aq, tarawǵa investiciyalardı tartıwǵa baǵdarlanǵan transport tarawında birden-bir tarif siyasatın ámelge asırıw tarawında:
2. transport hám jol xojalıǵı tarawında transport xızmetleri bazarında salamat báseki ortalıǵın qáliplestiriw hám milliy kompaniyalardıń máplerin qorǵawǵa qaratılǵan birden-bir tarif siyasatın ámelge asıradı;
3. Ózbekstan Respublikasında transport tarawında bazar qatnasıqların bunnan bılay da rawajlandırıw hám aldınǵı málimleme-kommunikaciya texnologiyaların engiziwdi esapqa alǵan halda, xalıq hám shólkemlerge kórsetilip atırǵan transport xızmetlerine tariflerdi qáliplestiriwdiń tiykarǵı baǵdarların, konceptuallıq kózqarasların belgileydi;
4. tariflerdi qáliplestiriw hám qollanıw boyınsha normativlik-huqıqıy bazanı, sonıń ishinde, xalıqaralıq nızamshılıq hám standartlar talapların esapqa alǵan halda jetilistiredi;
5. transport hám jol xojalıǵı tarawında tarif siyasatı, stavkalar hám jıyımlar máselelerin tártipke salıw, muwapıqlastırıw hám kelisiwde qatnasadı;
6. tasıwshı kompaniyalar menen birgelikte xalıqaralıq tarifler boyınsha májilisler hám konferenciyalar ótkeriw sheńberinde usınıslardı islep shıǵıw
7. aeronavigaciya xızmetlerin kórsetiwde hawa keńisliginen paydalanıwshılardıń mútájlikleri qanaatlandırılıwın támiyinleydi;
8. avtomobil tasıwları jónelislerin tender boyınsha ámelge asırıw mexanizmlerin engizedi, qalalıq, qala átirapı, qalalararalıq hám xalıqaralıq jolawshılar jónelislerinde xızmet kórsetiw huqıqın beriwshi úlgi kontraktlardı islep shıǵadı hám tastıyıqlaydı;
9. v) xalıqaralıq transport koridorların rawajlandırıw, logistika sistemasın jetilistiriw boyınsha usınıslar islep shıǵıw hám ilajlardı ámelge asırıw, mámlekettiń transport potencialınan nátiyjeli paydalanıw, isbilermenlik subektleriniń transport-logistika xızmetlerinen paydalanıwdaǵı qárejetlerin azaytıw tarawında:
10. tranzit potencialın rawajlandırıw, Ózbekstan Respublikası aymaǵı arqalı ótetuǵın tranzit koridorlarınıń básekige shıdamlılıǵın arttırıw boyınsha usınıslardı tayarlaw jolı menen birden-bir tranzit siyasatın ámelge asıradı;

logistika sistemasınıń nátiyjeliligin arttırıw, logistika nátiyjeliliginiń xalıqaralıq reytinglerinde Ózbekstan Respublikasınıń ornın jaqsılaw hám isbilermenlik subektleriniń transport-logistika xızmetlerine qárejetlerin minimallastırıw boyınsha ilajlardı islep shıǵadı;

bar transport koridorların diversifikaciyalaw hám perspektivaların rawajlandırıw boyınsha usınıslar islep shıǵadı;

multimodal tasıwlardı rawajlandırıw baǵdarında strategiya islep shıǵadı;

1. g) transport hám jol xojalıǵı tarawında mámleketlik-jeke menshik sheriklikti rawajlandırıw hám mámlekettiń investiciyalıq tartımlılıǵın arttırıw tarawında:

mámleketlik-jeke menshik sheriklikti engiziw hám rawajlandırıw boyınsha usınıslar islep shıǵadı;

tarmaqtı rawajlandırıwdıń tiykarǵı baǵdarların belgilegen halda, transport hám jol xojalıǵınıń jaqın hám orta múddetli perspektivaǵa mólsherlengen Investiciyalıq baǵdarlamalardı qáliplestiredi hám olardıń orınlanıw jaǵdayın monitoring etedi;

     transport hám jol xojalıǵınıń básekige shıdamlılıǵı hám investiciyalıq tartımlılıǵın arttırıw boyınsha usınıslar islep shıǵadı;

Transport hám jol xojalıǵı investiciyalıq baǵdarlamaların ámelge asırıw ushın investiciyalardı, sonıń ishinde, tikkeley tartıw boyınsha usınıslar tayarlaydı hám máselelerdi islep shıǵadı;

1. d) pútkil transport sistemasın sanlastırıw boyınsha aldınǵı málimleme texnologiyaların engiziw, Ózbekstan Respublikası transport sistemasınıń óz-ara baylanısqan birden-bir sistemasın perspektivalı rawajlandırıw strategiyaların islep shıǵıw hám ámelge asırıw tarawında:

transport hám jol xojalıǵı tarawında birden-bir málimleme-kommunikaciya siyasatın ámelge asıradı, transport hám jol xojalıǵı kárxanalarınıń sanlı ekonomikaǵa ótiw strategiyasın islep shıǵadı;

Ózbekstan Respublikasınıń tiyisli ministrlikleri hám uyımları menen birgelikte transport hám jol xojalıǵı salasında málimleme-kommunikaciya texnologiyaların engiziw máseleleri boyınsha jumıslardı muwapıqlastıradı;

transport hám jol xojalıǵı tarawında birden-bir málimleme platformaların jaratıwda qatnasadı;

1. e) avtomobil jolları tarawında birden-bir texnikalıq siyasattı ámelge asırıw, paydalanıwshılardıń mápin esapqa alǵan halda avtomobil jolları, aerodromlar hám aeroportlar, vokzallar, temir jollar hám transport infrastrukturasınıń basqa da obektlerin qarjılandırıw, joybarlaw, qurıw, ońlaw hám paydalanıw máseleleriniń kompleksli sheshimin támiyinlew tarawında:

transport hám jol xojalıǵı tarawında zaman talaplarına juwap beretuǵın infrastrukturanı jaratıwǵa qaratılǵan birden-bir texnikalıq siyasattı ámelge asıradı;

transport hám jol xojalıǵı tarawında ekologiyalıq qáwipsizlikti támiyinlew jumısların muwapıqlastıradı;

jol qurılısı, jol-qurılıs materialları, ónimleri hám qurılmaların islep shıǵarıw tarawında texnikalıq jaqtan tártipke salıwǵa baylanıslı normativlik hújjetler talaplarınıń orınlanıwın qadaǵalaydı;

transport hám jol xojalıǵın texnikalıq jaqtan rawajlandırıw, tasıwlardıń qáwipsizligin támiyinlew tarawında ilimiy-izertlew, joybarlaw-konstruktorlıq jumıslardı ámelge asıradı;

1. j) transport tarawında qadaǵalawdı ámelge asırıw, puqaralıq aviaciya hám eksperimental hawa kemelerindegi apachılıqlar hám baxıcız hádiyselerdi, sonday-aq, temir jol hám dárya transportındaǵı avariya hám apachılıqlar boyınsha tekseriwlerdi shólkemlestiriw hám ámelge asırıw tarawında:

jolawshılar, bagaj hám júk tasıw qaǵıydalarına ámel etiw, jolawshılar hám júk tasıw qáwipsizligi, jolawshılarǵa xızmet kórsetiw mádeniyatınıń zárúr dárejesin támiyinlew, jolawshılar jónelislerinde transport qurallarınıń bir qálipte háreketleniwi, belgilengen háreket kestesi hám aralıqlarına ámel etiliwin sistemalı qadaǵalawdı shólkemlestiredi;

nızamshılıqta belgilengen tártipte:

avtomobil transportında qalalıq, qala átirapı, qalalar aralıq hám xalıq aralıq jolawshılar hám júk tasıw;

temir jol transportında ishki hám xalıqaralıq jónelislerde jolawshılar hám júklerdi tasıw huqıqın beriwshi licenziyalardı (licenziya betlerin) beredi;

ruxsat beriw hújjetleri shártleri hám licenziya talaplarına ámel etiliwin qadaǵalaydı, belgilengen tártipte berilgen licenziyalar hám ruxsat beriw hújjetleriniń ámel etiw múddetin toqtatıp turıw, toqtatıp turıw hám biykarlaw ilajların kóredi;

kemelerdi dizimnen ótkeriw (qayta dizimnen ótkeriw), kemelerdi quriw, olardan paydalanıw, qayta úskenelew hám ońlawda kórikten ótkeriwdi ámelge asıradı;

kemelerge keme gúwalıqları hám biletler, kategoriya gúwalıqları, júziwge jaramlılıq gúwalıqları hám kemeshilikti tártipke salıw qaǵıydalarında názerde tutılǵan basqa hújjetlerdi beredi;

avtomobil transportında jolawshılar hám júk tasıw menen shuǵıllanıwshı yuridikalıq shaxslardıń xızmetkerlerine, sonday-aq, temir jol transportı shólkemleri, orayları hám kárxanalarında jańa lawazımǵa tayınlanǵan basshılar hám juwapker basqarıw xızmetkerlerine qoyılatuǵın mamanlıq talaplarına muwapıqlıǵın attestaciyadan ótkeredi;

Ózbekstan Respublikası aymaǵında aviaciya hádiyseleri hám puqaralıq aviaciya jáne eksperimental hawa kemelerindegi apachılıqlar hám soqlıǵısıwlardı, sonday-aq, temir jol hám dárya transportındaǵı avariya hám apachılıqlardı texnikalıq sorastırıw-tergew jumısların shólkemlestiredi hám ámelge asıradı;

óz wákilligi sheńberinde Ózbekstan Respublikasınıń basqa mámleket aymaǵındaǵı puqaralıq aviaciyası hám eksperimental hawa kemeleri menen júz bergen aviaciya apatları hám de soqlıǵısıwların, sonday-aq, jolawshı poezdları sostavları menen júz bergen avariya hám apatlardı sorastırıw-tergew islerinde belgilengen tártipte qatnasadı;

tergew, sonıń ishinde transport kárxanaları hám shólkemleri tárepinen ótkerilip atırǵan tekseriw jumıslarınıń belgilengen múddetlerde hám qalıs alıp barılıwın, puqaralıq aviaciyası hám eksperimental hawa kemelerindegi apachılıqlar hám baxıcız hádiyseler, sonday-aq, temir jol hám dárya transportındaǵı avariya hám apachılıqlardıń durıs klassifikaciyalanıwına ámel etiliwin hám olardı esapqa alǵan halda qadaǵalaydı;

Ózbekstan Respublikasınıń puqaralıq aviaciyası hám eksperimental hawa kemelerindegi apachılıqlar hám baxıcız hádiyselerdi, sonday-aq, temir jol hám dárya transportındaǵı avariya hám apachılıqlardıń aldın alıw boyınsha usınıslar islep shıǵadı;

birinshi gezekte, Ayrıqsha jaǵdaylar mámleketlik sisteması (keyingi orınlarda - AJMSh), áskeriy bólimlerdiń qutqarıw strukturaları, kúshleri hám quralları hám ayrıqsha jaǵdaylardı saplastırıw jáne evakuaciya ilajların ámelge asırıw ushın júklerdi tasıwdı  támiyinleydi;

FVDX, avtotransport xızmeti hám avtojol xızmetleriniń funkcional kishi sistemaları jumısına basshılıq etedi;

Ózbekstan Respublikasına hám Ózbekstan Respublikası aymaǵı boylap avtomobil hám temir jol transportında tranzit háreketlenip atırǵan qáwipli hám arnawlı júklerdi tasıwdıń eń qısqa aralıǵı tártibin belgilewde qatnasadı;

Ózbekstan Respublikası Mámleketlik bajıxana komiteti hám Mámleketlik shegaralardı qorǵaw komitetiniń Ózbekstan Respublikası mámleketlik shegarası arqalı ótiw punktlerin rekonstrukciyalaw hám kóshiriw haqqındaǵı usınısların kelisiwdi ámelge asıradı;

1. z) transport hám jol xojalıǵı tarawında xalıqaralıq hám aymaqlıq birge islesiwdi rawajlandırıw esabınan transport xızmetleri jáhán bazarında Ózbekstan Respublikasınıń milliy máplerin támiyinlew tarawında:

Ministrliktiń wákilligine tiyisli máseleler boyınsha xalıqaralıq dárejede Ózbekstan Respublikasınıń máplerin bildiredi;

sırt el hám xalıqaralıq shólkemler menen xalıqaralıq birge islesiwdi ornatadı hám rawajlandıradı;

Ministrliktiń wákilligine tiyisli máseleler boyınsha uyımlararalıq xarakterdegi xalıqaralıq shártnamalardı dúzedi;

transport hám jol xojalıǵı tarawında xalıqaralıq seminarlar, ánjumanlar, kórgizbelerdi shólkemlestiredi hám ámelge asıradı jáne sırt eldegi usınday ilajlarda qatnasadı;

1. i) transport tarawındaǵı aǵımdaǵı hám perspektivalı talaplardı esapqa alǵan halda bilimlendiriw, kadrlar tayarlaw, qayta tayarlaw hám mamanlıǵın arttırıwdıń aldınǵı usılların sistemalı túrde engiziw tarawında:

transport hám jol xojalıǵı tarawında xızmetkerlerdi tayarlaw, qayta tayarlaw, mamanlıǵın arttırıw siyasatın belgileydi;

nızam hújjetlerine muwapıq transport hám jol xojalıǵı kárxanaların joqarı mamanlıqtaǵı qánigeler menen tolıqtırıw, kadrlar tayarlaw, qayta tayarlaw hám mamanlıǵın arttırıwǵa baǵdarlanǵan kadrlar boyınsha mámleketlik siyasattı ámelge asıradı;

qánigelestirilgen trenajyorlar, hár qıylı qosımshalardı keńnen qollanǵan halda, oqıw procesine aralıqtan bilimlendiriwdi jedel tartqan halda, transport hám jol xojalıǵı tarawında kadrlar tayarlaw, qayta tayarlaw hám mamanlıǵın arttırıwdıń, sonıń ishinde, ǵalabalıq kásipler, kóshpeli shınıǵıwlardıń bazalıq baǵdarlamaların tastıyıqlaydı;

bilimlendiriw procesiniń óndiris penen nátiyjeli birge islesiwin, pitkeriwshilerdi jumısqa jaylastırıw maqsetinde transport bilimlendiriw mákemeleri hám jumıs beriwshilerdiń háreketlerin, sonıń ishinde, jeke menshik investiciyalardı oqıw procesine tartqan halda birlestiriwdi shólkemlestiredi;

transport logistikası sisteması baǵdarları boyınsha joqarı mamanlıqtaǵı qánigeler hám basshı kadrlardı tayarlaw, jónelis tarmaǵı hám jolawshı aǵımların modellestiriwdiń ekonomikalıq-matematikalıq usılların qollanıwdı shólkemlestiredi;

fundamental, ámeliy hám innovaciyalıq izertlewler ótkeriliwin shólkemlestiredi jáne olardıń nátiyjelerin ilim, bilimlendiriw hám óndiristi nátiyjeli integraciyalaw jolı menen ámelge asırıwdı shólkemlestiredi;

transport hám jol xojalıǵı tarawında kadrlardı tayarlaw, qayta tayarlaw hám qánigeligin arttırıw menen shuǵıllanıwshı bilimlendiriw mákemelerin akkreditaciyadan, olardıń pedagog hám ilimiy kadrların attestaciyadan ótkeriwde qatnasadı;

transport hám jol xojalıǵı tarawındaǵı pánler hám qánigelikler boyınsha sırt mámleketlerde berilgen bilimlendiriw hám ilimiy dáreje beriw haqqındaǵı hújjetlerdi tán alıwda hám de nostrifikaciyalawda (ekvivalentligin belgilewde) qatnasadı.

10. Ministrlik nızam hújjetlerinde názerde tutılǵan basqa da funkciyalardı ámelge asırıwı múmkin.

Ministrlik oǵan júklengen wazıypalar hám funkciyalardı tikkeley hám de ministrliktiń shólkemlestiriw strukturasına kiriwshi shólkemler arqalı orınlaydı.

Ózbekstan Respublikası Ministrler Kabinetiniń 2019-jıl 19-apreldegi "Ózbekstan Respublikası Transport ministrligi haqqındaǵı rejeni tastıyıqlaw haqqında"ǵı 336-sanlı qararı.