2025-jıl 6-oktyabr kúni saat 15:31 de Qońırat regionallıq temir jol uzeline qaraslı Tórtkúl ‒ Ellikqala stanciyaları aralıǵınıń 531 km 8-piketinde jaylasqan qorǵalmaǵan temir jol kesilispesinde Qońırat ‒ Ándijan jónelisindegi 128-sanlı jolawshı poezdı háreketi dawamında temir jol kesilispe signal belgilerine qaramastan háreketlenip atırǵan "Kamaz" markalı júk avtomashinası menen soqlıǵısqan.

Júk avtomashinasınıń aydawshısı emlewxanaǵa jiberilgen. Jolawshı poezdında 216 jolawshı bolıp, olardıń densawlıǵına zıyan jetpegen. Teplovoz poezdı alıp kete almaǵanlıǵı sebepli ÓzTE16M2 markalı 025-sanlı teplovoz saat 16:15 te waqıya ornınan jónep ketti.

Waqıya ornına tiyisli basshılar hám huqıq qorǵaw uyımlarınıń xızmetkerleri jetip barǵan. Házirde sorastırıw jumısları dawam etpekte.

"Húrmetli transport qurallarınıń aydawshıları! "Temir jol kesilispeleri arqalı háreketleniw" qaǵıydaların biliw hám olarǵa ámel etiw áhmietli ekenligin eskertemiz!

"Ózbekstan temir jolları" AJ