Xalqımız arasında "Imaratlar ishindegi eń ullısı mektep bolsa, kásipler ishindegi eń ullısı ustazlıq" degen danalıq gáp bar.

Elimizde 1-oktyabr - Muǵallimler hám ustazlar kúni. Bul sáne hár birimiz ushın áziz, ádiwli, bárqulla húrmette bolǵan ustaz hám muǵallimlerimiz, sonıń menen birge, xalqımız ushın úlken bayram bolıp esaplanadı.

Insan tárbiyası hám onıń kamalǵa keliwinde ustaz tárbiyasınıń ornı ayrıqsha.
Hár bir insan qanday jetiskenlikke erisken bolsa, onıń artında, álbette, ustaz hám muǵallimlerdiń bergen tálim-tárbiyası turǵan boladı.

Solay eken, maqtanıshlı hám ullı kásip ieleri bolǵan oqıtıwshı, muǵallim, ustaz hám tárbiyashılarımızdı 1-oktyabr - "Muǵallimler hám ustazlar kúni" bayramı menen qutlıqlaymız.
Jumıslarıńızǵa tabıslar, bekkem densawlıq, shańaraǵıńızǵa amanlıq, qut-bereket tileymiz!

Qaraqalpaqstan Respublikası Transport ministrligi jámááti