Nókis qalası boyınsha waqtınsha shólkemlestirilgen 86-sanlı “Abat mákan MPJ-Oraylıq bazar” aralıǵında M2 klaslı avtotransportlar (mikroavtobuslar) menen xızmet kórsetiwshi jónelisli taksi jónelisine usı jıldıń 3-oktyabr kúni saat 17:00 de ashıq tender tańlawı bolıp ótedi.

Tender tańlawında jolawshı tasıw xızmeti menen shuǵıllanıwshı barlıq avtokárxanalar qatnasıw imkaniyatına iye.

86-sanlı jónelis haqqında maǵlıwmatlar hám tender talapları tómendegishe:

Jónelis uzınlıǵı - 9,5 km;
Jol haqı muǵdarı - 3000 sum;
Xızmet kórsetiwshi avtotransportlar túri - M2 klaslı avtotransportlar (mikroavtobuslar);
Avtotranportlar sanı – 10 dana.

Tender tańlawı boyınsha keltirilgen usınıslarǵa tek ǵana avtotransportlardıń islep shıǵarılǵan jılı, sıyımlıǵı hám múlk túrleri boyınsha ball esaplaw názerde tutılǵan.

Tender tańlawına qatnasıwshı talabanlar 2-oktyabr saat 17.00 ge shekem komissiya atına tenderge qatnasıw júzesinen arza tapsırıwı kerek boladı. Usı múddetten keyin keltirilgen arzalar qabıllanbaydı.

Tender tańlawına qatnasıwshılar jóneliske usınılǵan tender paketlerin ózleri menen birge tender tańlawı bolıp ótetuǵın waqıtqa, yaǵnıy 3-oktyabr kúni saat 17:00 de alıp keliwi tiyis.

Tender tańlawı bolıp ótetuǵın mánzil:

Nókis qalası, Tórtkúl avtomagistralı 1A jay

Tender tańlawı boyınsha tolıq maǵlıwmattı 61 225-70-34 telefon nomeri arqalı alıwıńızǵa boladı.